Дьокуускай куорат биир бастыҥ көрдөрүүлээх 17 №-дээх оскуолатыгар быйыл бастакы кылааска 150-ча оҕо киирдэ.

Кинилэр ортолоругар Женя, Ваня, Егор Замятиннар бааллар. Игирэ уолаттар бу курдук үһүөн бииргэ тутуспутунан үөрэх, билии аартыгар үктэннилэр. Сааскылаана Петровна Керемясова учууталлаах 1 “Г” кылаас үөрэнээччилэрэ буоллулар. Уолаттарга ситиһиилэри баҕардыбыт уонна “Чуораанчык” оҕо сурунаалын кытта бииргэ үлэлэһиэх буоллубут.

Доҕордоһуу болуоссатыгар буолбут Билии күнүгэр аналлаах оскуола улахан түһүлгэтигэр үгүс үтүө тыллар этилиннилэр. Онтон биир саамай үөрүүлээҕэ диэн оскуола эбии дьиэтин тутуу боппуруоһа быһаарыллыбыт.