Доҕордоһуу болуоссатыгар оһуохайга ыҥырабыт!

Оһуохай түмсүү ыҥырар! 

      Дьоллоох Дьокуускай куораппыт 393 сааһынан, сарсын, балаҕан ыйын 13 күнүгэр, субуота күн күнүс 1 чаастан Доҕордоһуу болуоссатыгар, тапталлаах куораппыт төрөөбүт күнүгэр ананар Оһуохай түһүлгэтигэр ыҥырабыт!

     Бу күн Саха сирин 98 саастаах Аар Дархан этээччи Осипов Егор Михайлович, Дархан этээччилэр Руф Гаврильев, Марта Николаева, Семен Алексеев, үтүөлээх этээччилэр Мария Бассанова, Николай Трофимов уонна да атыттар өрөспүүбүлүкэ араас оройуонуттан кэлэн үҥкүү тылын этиэхтэрэ. 

Оһуохай тылын таһаарбыт хас биирдии этээччи Махтал суругунан уонна быйыл 20 сааһын туолбут «Камелек» хампаанньаттан сертификат тутуоҕа. Түгэнинэн туһанан ити тэрилтэ салайааччытыгар Ольга Григорьевна Григорьеваҕа махтанабыт! 

Дьокуускай куораппыт олохтоохторун уонна ыалдьыттарын сылаас күннэри атааран, кыһыҥҥы тыйыс тымныыга бэлэмнэнэн күүс — уох ылыҥ диэн ыҥырабыт! 

Дьоллоох Дьокуускай куорат күнүнэн алгыстаах түһүлгэбитигэр күүтэбит!