Дойду 12 дьоруойугар Алексей Петровка ананар
Хатыйсыһыы хам барбат!
Өлүү-сүтүү уурайбат!
Өлүү баарын тухары
Дьоруой үөскүү туруоҕа!
Хорсун сүрэх чугуйбат!
Өлүөн диэри киирсиһэр!
Атахтарын толук биэрэн
Дойду иһин охсуста!
Үөһээ Бүлүү Маҥаас сирин
Петровтар уоллара
«Медведь» дэммит байыаһа
ДЬОРУОЙ буолла дойдуга!
Тиийиэҕиттэн хорсунун
Мындыр өйүн биллэрэн
Өстөөх уотун самнаран
Биллэрбитэ сахатын!
Хайа баҕар сэриигэ
Алексейдар ааттара
Күүскэ киирдэ кэпсээҥҥэ!
Ырыаларга ылланна!
Саха сирэ соһуйбат!
Саха сирэ киэн туттар!
Боотур хааннаах сахабыт
Дьоруой буолар ыйаахтаах!