Хотой Айыы бэттэх көрөн мичик гыннын!

Күндү дьоммут — сэргэбит!

Эһигини алтынньы ый 23 күнүгэр 15ч.-18ч дылы Хотой Айыы ыйыгар аналлаах «Түмсүүнү төрүттээччи, тэрээһиннээх олох тускутун тутааччы Хотой Айыы, бэттэх көрөн мичик гын!» диэн тэрээһиҥҥэ Өксөкүлээх Өлөксөй аатынан Норуоттар доҕордоһууларын дьиэтигэр ыҥырабыт.

Программаҕа:

🔸 Хотой Айыы туома. Туому «Кут-Сүр» кыһа туом Бахсыта Ирина Егоровна Лукина — Уйусхаана оҥоруоҕа.

🔸 «Саха эйгэтэ» түмсүү тула түмсэммит сахалыы эйгэни, сиэри-туому, төрүт культураны, тылы, суругу-бичиги, сатабылы, дьарыгы кэҥэтэр кэскиллээх кэпсэтии.

🔸Сахабыт сирэ, сахабыт омуга сайдарын туһугар үтүө дьон тугу оҥорон, айан таһааралларын билсиһэммит киэҥ эйгэҕэ таһаарыахпыт.

🔸 Оһуохай

Онон ким этиилэрдээх, сатабыллаах, дьарыктаах кэлэҥҥит кэпсэтиигэ кыттыһан, бэйэҕитин билиһиннэрэҥҥит сахалыы эйгэни тэнитиэххэйиҥ диэн ыҥырабыт.

Тоҕус холбооһуннаах Хотой Айыыбытыгар сүгүрүйэммит тэрээһини ситэрэр кыахтанаммыт, түмсүүнү төрүттүүр күүстэнэммит «Саха эйгэтэ» түмсүү тула үгүс дьону кытта өйөнсөн үтүөнү үксэтиэхпит, элбэх дьону кытта алтыһан Алгыһы элбэтиэхпит.

Буолар сирэ: Дьокуускай куоракка Өксөкүлээх Өлөксөй аатынан Норуоттар доҕордоһууларын дьиэтэ, Гостинай саала, 2 этээс, уҥа хайысха. Аадырыһа: Поярков уулуссатын 4.

Барыгытын күүтэбит.

Киириитэ босхо.

«Саха эйгэтэ»