Ил Дархан төрөппүттэрэ бэйэлэрин куоластарын биэрдилэр✅️

Ил Дархан Айсен Сергеевич Николаев төрөппүттэрэ Александр Андреевич уонна Тамара Сергеевна Арассыыйа Президиэнин талар быыбарга Үөһээ Бүлүүтээҕи 75 нүөмэрдээх быыбардыыр участокка бэйэлэрин куоластарын биэрдилэр✅️.

Үөһээ Бүлүү улууһун Бочуоттаах олохтооҕо, Арассыыйа орто үөрэхтээһинин Бочуоттаах үлэһитэ, педагогическай үлэ бэтэрээнэ Тамара Сергеевна Сэбиэскэй былаас саҕаттан дойдубут хайдах уларыйан тэлэрийэн, араас балысханнаах түгэннэртэн охтубакка атаҕар туран сайдан кэлбитин илэ хараҕынан көрбүт киһи быһыытынан бу буолар Быыбар билигин дойдубут күүһүрэригэр олус элбэх суолталааҕын этиннэ.

Уонна бары быыбардааччылары туора туран хаалбакка, түмсүүлэхтик, көхтөөхтүк куоластааһыҥҥа кыттыаҕыҥ диэн ыҥырда.