Сунтаар улууһун баһылыктарын делегацията сыананы быһар кэмитиэт салайааччыларын кытта көрүстэ

Бүгүҥҥү күҥҥэ Саха сирин олохтоохторо ПАО «ДЭК» тэрилтэтигэр 28 млрд. солк. иэстээх олорор. Маны хонтуруоллуур уонна уот энергиятын кэмчилиир туһугар маннык хааччах киирбит диэн сыаналыахха сөп. Ол эрээри, атын альтернативата суох, күһэллии күүһүнэн уоту күүскэ туһанан олорор Сунтаар, Ньурба улуустара тоҕо мантан эмсэҕэлиэхтээхтэрий?

Сыананы быһар кэмитиэт тутаах үлэһиттэрин тылларын-өстөрүн иһиттэххэ сөптөөх дьаһал тахсыбыт. Кинилэр этэллэринэн хас биирдии ыал дьиэтин сөпкө өрөмүөннээн, сылааһы куоттарыа суохтаах, маны тэҥэ оҺоҕу оттон көмөлөһүннэрэргэ күһэйэллэр. Билигин биир массыына саһаан мас сыаната 25-30 тыһыынча солкуобайга тэҥнэһэр. Манна даҕатан эттэххэ, билиҥҥи үйэттэн уруккуга төннөн оҺоҕу күүскэ оттон олорорбутугар тиийэбит. Маныаха оҺоҕу сатаан оттор кыаҕа суох соҕотох олорор кырдьаҕас, кыаммат, доруобуйаларыгар хааччахтаах дьон хайдах буоларый?

Чэпчэтиилээх тарыыбынан үстэн элбэх оҕолоох дьон толору туһанар. Маны тэнэ, уот төлөбүрэ ыйдааҕы хамнастан 15% элбэх буоллаҕына адреснай көмөҕө сайабылыанньа биэриэххэ сөп. Биир өрүтүнэн нэһилиэнньэ ый ахсын 20-25 күннэргэ уот көрдөрүүтүн, хайаан да, биэриэн наада. Эбэһээт хонтуораҕа тиийбэккэ, олус судургутук «ДЭК ЯКУТИЯ» о.д.а. приложениены хачайдаан, бу нөҥүө счетчик көрдөрүүтүн тиксэриэххэ сөп. Бу быраабыланы үөрүйэххэ кубулутан биир да күнү көтүппэккэ төһө уот туһаныллыбытын отчуоттуур ордук.

Улуус дьаһалтата, депутаттар Сэбиэттэрэ бу боппуруоһу хаалларан кэбиспэккэ, нэһилиэнньэ олоҕун уйгутун туһугар, бу сокуон уларытыытыгар, диапазон хааччаҕын үрдэтиигэ салгыы үлэлиэҕэ. Билигин дьон аймалҕана, нэһилиэнньэ долгуйуута Дойду президенин дьаһалтатыгар тиийдэ. Онон сөптөөх быһаарыныы ылыныллыа диэн күүскэ эрэнэбит.

Платить за электроэнергию от 30 до 50 тысяч в месяц ?